زعيم “البام” العماري يقطر الشمع على حكومة العثماني

طنجاوي

خرج زعيم “البام”  إلياس العماري، في تدوينة مثيرة ينتقذ فيها كم وزراء حكومة العثماني قائلا :” واش المغرب بالصح فحاجة لـ39 وزير ووزير منتدب و كاتب دولة؟”
وأضاف العماري “المشكل فالبلاد ماشي العدد والكفاءات هي اللي ناقصانا، وإنما الإرادة السياسية الفعلية لمواجهة المشاكل والشجاعة في قول الحقيقة، وماشي الوعود والهدرة اللي شغلها الشاغل هو دغدغة العواطف وشخصنة الصراع والمواقف”.
وتساءل العماري حول من سيعوض المغاربة في تأخر الحكومة ستة أشهر:”هاد 6 شهور وزيادة اللي ضاعت على بلادنا، شكون اللي غيعوض هذا الضياع والخسارة على مستوى الإقتصاد والمالية العمومية وفرص التنمية؟ شحال من فرصة شغل ضيعات لبلاد، شحال من مشاريع غيتأخر الإنجاز ديالها بست شهور على الأقل، شحال ديال الخسائر اللي غيخلصها الشعب على الأموال اللي مسلفة من الداخل والخارج و بقات مبلوكيا كاع هاذ المدة؟”
وفي نفس السياق ضرب العماري مثلا بدولة الصين حول عدد وزرائها مقارنة بعدد وزرائنا:”مللي كنشوفو هاذ العدد ديال 39 كنقول واش المشاكل اللي عندنا بصح خاصها هاذ العدد، ومللي كنفكر فهاذ الشي، كنقول وكيفاش الصين اللي عندهوم مليار ونص ديال السكان عندهوم حكومة فيها غير 18 وزير، والأمور ماشيا مزيان، والنمو مرتفع والبلاد متقدمة؟؟”.