الصحراء أوريخينال
الصحراء أوريخينال خطير للغاية ، سلسلة تخصصها ” الصحراء اوريخنال” تتابع من خلالها ملفات عالقة و طابوهات ممنوعة من النشر
الملف الخطير (الجزء الاول) الذي نستهل به السلسلة هو معركة آل الدرهم الاستثمارية ، من المسؤول عنها ، نشأتها ، علاقتها بالحرب السياسية ؟ هل الملف اجتماعي ام سياسي كل هذا ناقشناه رفقة طارق الدرهم وريث محمد الدرهم أخ حسن الدرهم و دحمان الدرهم مسير مجموعة الدرهم هولدينغ في لقاء حصري بعد استضافته لنا في مقر إقامته
س : شكون هو طارق الدرهم
ج : طارق محمد الدرهم ، الابن البكر للمرحوم محمد الدرهم لي قيد حياته كان مساهم بأكبر هولدينغ بالصحراء عندو استثمارات داخل وخارج المغرب ولي ما عندو أي انتماء سياسي ولا حزبي ولا نقابي وبالتالي فهو مواطن كباقي المواطنين يعاني من مشاكل قضائية والتي لا يقصد بها المؤسسة القضائية وإنما يقصد بها بعض المسؤولين داخل المؤسسة القضائية.
وللتوضيح فطارق ما عندو أي مشكل مع العائلة رغم هذشي لي وقع فهو يحترم الصغير قبل الكبير ويحترم الأعراف والتقاليد لي تربى عليها فالمشاكل العائلية متوقعة فأي عائلة، وإنما الإشكال هو عدم القدرة على تحصيل الحقوق بواسطة القضاء.
س : قرينا البيان لي خرج بسميتك واش عندو علاقة بخرجات حسن الدرهم
ج : يقدر يكون عندو علاقة من جانب و ما عندو علاقة من جانب آخر
س : كيفاش ؟ وضح اكثر
ج : البيان لي خرج من عندي بصفتي وريث المرحوم محمد الدرهم خرج بصفة مباشرة يفند ادعاء بيان هولدينغ الدرهم
لي خرجت بيه تغلط الرأي العام وتغطي على جريمة تزوير، وبالنسبة لعمي حسن الدرهم كان يقصد التسيير بصفة عامة بالأقاليم الجنوبية وتناول القضية ديال الوالد ديالي كمثال لي كان ففرنسا ولگينا توقيعو مزور فالعيون بدون ما يعطي التفاصيل وكان قصدو حسب تصريحه بعض مؤسسات الدولة الي عندها مشاكل في التسيير ولكن الخرجة الغير موفقة لعمي دحمان الدرهم لي ينتحل فيها صفة رئيس مدير عام وهو فالحقيقة غير مسير لشركة الدرهم هولدينغ هي السبب الرئيسي في خروجي عن صمتي، باش يگول طوينا النزاع ووووو فهذا الشي غير مقبول بصفة نهائية.
س : واش التزوير لي قامت بيه الشركة في غياب الوالد ديالك المرحوم محمد الدرهم؟
ج : أكيد، الوالد الله يرحمو خرج من الرباط على متن طائرة إسعاف نهار 2013/12/08 وما دخل بصفة نهائية حتى نهار 2015/05/23 نفس النهار لي ندفن فيه والتزوير داروه نهار 2015/03/04 وأنا أصلا كنت معاه فذيك الفترة لي وقع فيها التزوير من الصباح يلا الليل فالمستشفى الأمريكي بباريس الراجل يحتضر على فراش الموت.
س : كلامك فيه بزاف ديال الأمور و فعلا سلسلة ، شنو علاقة التسيير السياسي بالمنطقة مع القضية ديالكم؟
ج : بكل بساطة قضيتي معروضة على القضاء هادي 7 سنوات ونصف وكانت فالأول عبارة عن أزمة عائلية ومع مرور الوقت وتعنت واحد اللوبي حاكم الشركة تحول لأزمة قضائية باسم خصوصية المنطقة سياسيا وهنا بدات العلاقة بين مشكل عائلي بسيط والسياسة لي كنأكد أنها علاقة غير منطقية تم توظيفها لمحاولة إغلاق القضية.
س : ولكن بيان مجموعة الدرهم يأكد على أن هناك أحكام قضائية طوات النزاع، شنوا تعليقكم عليه ؟
ج: راه هنا مربط الفرس فعلا البيان كان غلطة ارتكبها دحمان الدرهم لأن حسن الدرهم استفزو بقضية الوالد ديالي وما تستر على الجريمة هذشي علاش بيان مجموعة الدرهم جا فيه بلي النزاع مطوي باش يكذب حسن الدرهم وكيما گلت لكم أن النزاع ما زال قائم والحجة الوحيدة لي فرحانين بيها وبين قوسين قوية عندهم هي واحد الخبرة خطية غادي نطرق ليها من بعد في اللقاء القادم هي والحجج لي عندي وباش نكون منصف فالحوار معكم وما تگولو ما بغى يناقش حجة الخصم غادي نگولكم بأن التوقيع لي تعرض على خبرة خطية ماشي هو التوقيع لي مطعون فيه بالزور والمحكمة فمراكش خرقات القانون بهذا الشأن.
س : زيد وضحنا اكثر ، جميعا تابعنا لقاء حسن الدرهم مع المهداوي و خرجات بعض الإعلاميين المضادة له شنهو لي متخزن عن الرأي العام و بيغتوا يعرفو ؟
ج : انا لي بغيت الرأي العام يعرفوا هو انني أخوض معركة بقاء ضد أقرب الناس لي و لي من المفروض يكون الوصي على أبناء أخيه الشقيق، كيف يعقل تزوير بهذا الحجم تحت أنظار المسؤولين القضائيين ولا من يحرك ساكنا ولي أي واحد غادي يفهمو أنه تواطؤ مع القضاء لإخفاء جريمة وإفلات من ارتكبها من العقاب مقابل الانتشاء و التربع على عرش الشركة لا أكثر، وأنا منين كنگول القضاء عارف أش گنگول وهذشي الصراحة خطير جدا ويخيف الاستثمار بالمنطقة وغادي نصرح بيه لاحقا.
س: ذكرت لينا دعوى قضائية كانت رايجة عندكم في القضاء الفرنسي ؟؟
ج : طبعا دخلنا القضاء الفرنسي لي كان نزيه وسريع وفصل في النزاع لي موضوعو واش محمد الدرهم كان فعلا فاقد للبصر وأيضا فاقد للإدراك والتمييز وفعلا بعد إجراء خبرة طبية قضائية فرنسية تم التأكيد على هذشي وهذا دليل قوي يضاف إلى التصريحات المتناقضة ديال المسؤول الجماعي أولا مع نفسو وثانيا مع دحمان الدرهم وثالثا مع شاهد زور جابو دحمان شهد فالمحكمة ومع مجموعة من الحجج الثابتة.
س : ارتبطت خرجات حسن الدرهم بحمدي ولد الرشيد ياك ما نشوفوا معركة سياسية تم إقحام عوائل كبيرة فالصحرى فمشاكل سياسية ؟
ج : بالعكس تماما انا التقيت حمدي رئيس الجهة واجتمعت مع محمد ولد حمدي ولد الرشيد وطلب مني يدخلو بخيط أبيض لإنهاء الخصومة و يتكلمو مع الحاج حمدي يصلحونا و قلت لو هادشي راه صعيب والمشكل ليس بالهين و لو كان المشكل سياسي هكذا ما كان حمدي ولد الرشيد يخلي القانون يݣبذ مجراه تجاه المسؤول الجماعي ويخلي المفوض القضائي يستجوب الجماعة بناء على أمر من المحكمة.
يتبع……